L’uòu par Marineta Mazoyer
Lo qu’es pas jamai anar quèrre d’uòus fresques ponduts dins un galinièr a vertadièrament mancat un plaser dels bèls ! A saupre se an pondut las galinas ? Las ai ben ausidas cantar, mas tanlèu arribat lo bèl temps, cantan a plen de cap, e canta que cantaràs, pasmens trobatz pas totjorn un uòu !
Entredobrisse la pòrta, m’engulhe sota la cledissa que cèrca totjorn de m’escarraunhar, e me cline vèrs lo nis. Es pas pus un nisairòl çaquelà, que las galinas an fargat un rambalh que non sai… Pòdon pas gardar una nisada mofla, esparpalhan la palha de pertot, mesclan quauquas pèiras, rasclejan un pauc de tèrra e aquò vai plan per pondre. Se o vòlon coma aquò…
Uèi, desniste quatre polidons uòus blancs… mas, aquela empega ! De qu’es aquel uòu grandàs au mitan ? M’acapte e bote los uòus tot caudets dins mon banaston. Lo mai bèl es blanc ticassat de rossèl, mai gròs qu’un uòu de galina, amai que lo d’una rita. Agache la polalha se per cas i auriá pas una intrusa. Mas non, picorejan d’un costat e d’autre, las sièis galinas, se van churlar l’aiga de la bacha, s’aigrejan a tira-qui-pòt : tot va plan.
Monte pausar la banasta sul bufet de la cosina e i pense pas pus. L’endeman, quand vòle marcar la data de ponduda e recaptar los uòus, quala es pas ma suspresa de veire que l’uòu bèl a virat au jaune !
Français:
L’œuf
Celui qui n’est jamais allé chercher des œufs frais pondus dans un poulailler s’est véritablement privé d’un plaisir des plus grands ! Savoir si elles ont pondu les poules, je les ai bien entendu chanter… Mais dès qu’il fait beau, elles s’égosillent tant et plus, vous ne trouvez pas toujours un œuf pourtant !
J’entrouvre la porte, je me faufile sous le grillage qui cherche toujours à m’égratigner et je me penche vers le nid. Ce n’est plus un nid d’ailleurs, car les poules ont créé un désordre indicible… Elles ne peuvent pas garder un nid douillet, elles éparpillent la paille partout, y mêlent quelques pierres, raclent un peu de terre et cela leur va bien pour pondre. Si c’est leur bon plaisir…
Aujourd’hui, je déniche quatre jolis œufs blancs… Mais c’est un peu fort ! qu’est-ce que c’est que ce gros œuf au milieu ? Je m’accroupis et dépose les œufs tout chauds dans mon petit panier. Le plus grand est blanc tacheté de roux, plus gros qu’un œuf de poule et qui plus est, que celui d’une cane. Je regarde la volaille au cas où il y aurait une intruse. Mais non, les six poules picorent doucement d’un côté et de l’autre, vont boire à longs traits l’eau de l’auge, s’ébouriffent à qui mieux-mieux : tout va bien.
Je monte déposer la corbeille sur le buffet de la cuisine et je n’y pense plus. Le lendemain, quand je veux marquer la date de ponte et ranger les œufs, quelle n’est pas ma surprise de voir que le grand œuf a viré au jaune !
Extrait d’un article du Cévennes Magazine N° 2314 du samedi 16/11/2024 disponible en kiosque ou en commande sur notre site internet cevennesmagazine.fr
